◎ ◎ ဘယ်က လျှောက်ရမှာလဲ ? ဘယ်လို လျှောက်ရမှာလဲ ? ◎ ◎

◎ ◎Account ဖွင့်ခြင်းနှင့် ဗီဇာ လျှောက်ထားခြင်း ◎ ◎

1 – အစိုးရရဲ့ တရားဝင် E-visa လျှောက်ထားရမယ့် Website ကို သွားပါ (Comment မှာ လင့်ခ် ချထားပေးပါမယ်)

2 – Account ဖွင့်ပါ

3- ကိုယ်လျှောက်ထားမယ့် ဗီဇာအမျိုးအစားကို ရွေးချယ်ပါ

4- ကိုယ်ရေးအချက်အလက်နဲ့ ခရီးသွား အချက်အလက်တွေကို ဖြည့်ပါ

5- ဗီဇာအမျိုးအစားအလိုက် လိုအပ်မယ့် Doucment တွေကို Website က တောင်းထားတဲ့အတိုင်း Upload တင်ပေးရပါမယ်

◎ ◎ငွေပေးချေခြင်း ◎ ◎

6- ကမ္ဘောဒီးယား ၊ ဗီယက်နမ်သံရုံးများမှာ ဗီဇာလျှောက်ထားမယ်ဆိုရင် အချက်အလက်ပြည့်စုံပြီလို့ ယူဆရင် Online ကနေပဲ တစ်ခါတည်း ဗီဇာကြေး သွင်းရမှာ ဖြစ်ပါတယ် ။

မြန်မာနဲ့ လာအိုနိုင်ငံက သံရုံးများမှာ လျှောက်ထားမယ်ဆိုရင်တော့ Online ကနေ Document တွေ တင်သွင်းပြီး ၊ သက်ဆိုင်ရာ သံရုံးမှာ ငွေပေးသွင်းဖို့အတွက် ရက်ချိန်း (Appoinment ) ရယူရမှာ ဖြစ်ပါတယ် ၊ ရက်ချိန်းအတိုင်း သံရုံးကို သွားရောက်ပြီး ဗီဇာကြေးကျသင့်ငွေကို ငွေသားပေးသွင်းရမှာ ဖြစ်ပါတယ်။

7 – ဗီဇာကြေး ငွေသွင်းပြီးတဲ့အခါမှသာ ကိုယ်တင်ပေးလိုက်တဲ့ Document တွေကို စတင်စစ်ဆေးမှာ ဖြစ်ပြီး မပြည့်စုံတာ လိုအပ်တာရှိရင် Email ပို့လာပြီး အချက်အလက်တွေ ထပ်တောင်းပါလိမ့်မယ် ၊ ပြည့်စုံတယ်ဆိုရင်တော့ Approve ဖြစ်ပြီ ဖြစ်ကြောင်း Email နဲ့ e-visa confirmation document ရပါမယ် ၊ ရလာတဲ့ confirmation Document ကို ထိုင်းနိုင်ငံကို ဝင်ရောက်တဲ့အခါ Immigration ကို ပြလိုက်ရုံပါပဲ။

သတိထားသင့်တဲ့ အချက်တစ်ချို့

– E-visa ဟာ ထိုင်းနိုင်ငံတွင်းမှာ နေထိုင်ရင်း လျှောက်ထားလို့ မရနိုင်ပါဘူး ၊ ဒါကြောင့် နိုင်ငံ ပြင်ပကို ထွက်ပြီးမှသာ လျှောက်လို့ ရမှာ ဖြစ်ပါတယ်။ E-vsia Website မှာ Visa လျှောက်ထားလိုတဲ့ သံရုံး သို့မဟုတ် ကောင်စစ်ဝန်ရုံးကို ရွေးချယ်ပေးရပါတယ် ၊ ကိုယ်က ကမ္ဘောဒီးယား နိုင်ငံသံရုံးက တစ်ဆင့်လျှောက်မယ်လို့ ရွေးချယ်ထားရင် အမှန်တကယ်လည်း ကမ္ဘောဒီးယားနိုင်ငံထဲမှာ ရောက်နေဖို့ လိုအပ်မှာ ဖြစ်ပါတယ်။ ကမ္ဘောဒီးယားနိုင်ငံပြင်ပကနေ လျှောက်လို့ ရမှာ မဟုတ်ပါဘူး ။

– အကြောင်းကြောင်းကြောင့် ဗီဇာ Reject ငြင်းပယ်ခြင်းခံရရင် ဗီဇာဖိုးသွင်းထားငွေဟာ ပြန်ရမှာ မဟုတ်ပါဘူး ။

– E-visa လျှောက်ထားမှုအတွက် Visa Processing Time ဟာ သံရုံးတစ်ခုနဲ့ တစ်ခု မတူတာမို့ ကိုယ်လျှောက်ထားမယ့် သံရုံးဟာ ကိုယ်လျှောက်ထားတဲ့ ဗီဇာ အမျိုးအစားအတွက် အချိန် ဘယ်လောက်ကြာနိုင်မယ် ဆိုတာကို ကြိုတင်လေ့လာထားသင့်ပါတယ်။