ရထားများ

ဘန်ကောက်ကနေ ချင်းမိုင် ၊ ချင်းမိုင်ကနေ ဘန်ကောက်ကို တစ်နေ့ကို ရထား ၅ စီး ပြေးဆွဲပါတယ် ။ ရထားတစ်စီးချင်းအလိုက် ထွက်ခွာချိန် ၊ ဆိုက်ရောက်ချိန်နဲ့ အမျိုးအစားတွေ ကွာခြားပါတယ်။

ဘန်ကောက်-ချင်းမိုင် ရထားခရီးစဉ်များ

Train No (7 ) ၊ Special Express

ဘန်ကောက်မှ စတင်ထွက်ခွာချိန် မနက် ၉ နာရီ ၅ မိနစ် ၊ ချင်းမိုင်ကိုရောက်ရှိချိန် ည ၇ နာရီ ၃၀ မိနစ်

ဘန်ကောက်ကနေ ချင်းမိုင်ကို နေ့ဖက်ပြေးဆွဲတဲ့ ရထားဟာ Train No 7 တစ်စီးပဲ ရှိပြီး ၊ ရထားတွဲဟာ ဒုတိယတန်း ထိုင်ခုံ အမျိုးအစား ဖြစ်ပြီး ၊ ရထားတွဲတွေဟာ အဲကွန်းပါပါတယ်။

Train No (109) ၊ Rapid

ဘန်ကောက်မှ စတင်ထွက်ခွာချိန် နေ့လည် ၂ နာရီ ၁၅ မိနစ် ၊ ချင်းမိုင်ကို ရောက်ရှိချိန် မနက် ၄ နာရီ ၅ မိနစ်

Train No (9) ၊ Special Express

ဘန်ကောက်မှ စတင်ထွက်ခွာချိန် ည ၆ နာရီ ၄၀ မိနစ် ၊ ချင်းမိုင်ကို ​ရောက်ရှိချိန် မနက် ၇ နာရီ ၁၅ မိနစ်

Train No (13) ၊ Special Express

ဘန်ကောက်မှ စတင်ထွက်ခွာချိန် ည ၈ နာရီ ၅ မိနစ် ၊ ချင်းမိုင်ကို ရောက်ရှိချိန် မနက် ၈ နာရီ ၄၀ မိနစ်

Train No (51) ၊ Express

ဖော်ပြထားတဲ့ ရထား ၄ စီးကတော့ ည ရထားတွေဖြစ်ပါတယ် ၊ Train No 9 ဟာ တစ်စီးလုံး အိပ်စင်တွေနဲ့ ပြေးဆွဲတဲ့ ရထားဖြစ်ပြီး ၊ ပထမတန်းနဲ့ ဒုတိယတန်း အိပ်စင်တွေပါဝင်ပါတယ်။ အခြားရထား သုံးစီးမှာတော့ တတိယတန်း ထိုင်ခုံ ၊ ဒုတိယတန်းထိုင်ခုံနဲ့ ဒုတိယတန်း အိပ်စင်တွေ ပါရှိပါတယ်။ ထိုင်ခုံနဲ့ ရထားတွဲတွေဟာ အဲကွန်းမပါပဲ ၊ ပန်ကာသာ ပါရှိမှာ ဖြစ်ပြီး ၊ အိပ်စင်တွဲတိုင်းကတော့ အဲကွန်းပါရှိမှာ ဖြစ်ပါတယ်။

ချင်းမိုင် – ဘန်ကောက် ရထားခရီးစဉ်များ

Train No (102) ၊ Rapid

ချင်းမိုင်ကနေ စတင်ထွက်ခွာချိန် မနက် ၆ နာရီ ၃၀ မိနစ် ၊ ဘန်ကောက်ကို ရောက်ရှိချိန် ည ၈ နာရီ ၂၅ မိနစ်

Train No ( ၊ Special Express

ချင်းမိုင်ကနေ စတင်ထွက်ခွာချိန် မနက် ၈ နာရီ ၅၀ မိနစ် ၊ ဘန်ကောက်ကို ရောက်ရှိချိန် ည ၆ နာရီ ၅၅ မိနစ်

ဖော်ပြထားတဲ့ ရထား ၂ စီးဟာ ချင်းမိုင်ကနေ ဘန်ကောက်ကို ပြေးဆွဲတဲ့ နေ့ရထားတွေ ဖြစ်ပြီး ၊ ရထား ၂ စီးလုံးဟာ ထိုင်ခုံတွဲတွေပဲ ပါရှိမှာ ဖြစ်ပါတယ်။ Train No 108 ရထားဟာ အဲကွန်းမပါပဲ ၊ ပန်ကာသာ ပါရှိမှာ ဖြစ်ပြီး ၊ Train No 8 ကတော့ အဲကွန်းပါရှိမှာ ဖြစ်ပါတယ်။

Train No (52 ) ၊ Express

ချင်းမိုင်ကနေ စတင်ထွက်ခွာချိန် နေ့လည် ၃ နာရီ ၃၀ မိနစ် ၊ ဘန်ကောက်ကို ရောက်ရှိချိန် မနက် ၅ နာရီ ၁၀ မိနစ်

Train No (14) ၊ Special Express

ချင်းမိုင်ကနေ စတင်ထွက်ခွာချိန် ညနေ ၅ နာရီ ၊ ဘန်ကောက်ကို ရောက်ရှိချိန် မနက် ၆ နာရီ

Train No (10) ၊ Special Express

ချင်းမိုင်ကနေ စတင်ထွက်ခွာချိန် ည ၆ နာရီ ၊ ဘန်ကောက်ကို ရောက်ရှိချိန် မနက် ၆ နာရီ ၅၀ မိနစ်

ဖော်ပြထားတဲ့ ရထား ၃ စီးကတော့ ည ရထားတွေဖြစ်ပါတယ် ၊ Train No 10 ဟာ တစ်စီးလုံး အိပ်စင်တွေနဲ့ ပြေးဆွဲတဲ့ ရထားဖြစ်ပြီး ၊ ပထမတန်းနဲ့ ဒုတိယတန်း အိပ်စင်တွေ ပါဝင်ပါတယ်။ အခြားရထား ၂ စီးမှာတော့ တတိယတန်း ထိုင်ခုံ ၊ ဒုတိယတန်းထိုင်ခုံနဲ့ ဒုတိယတန်း အိပ်စင်တွေ ပါရှိပါတယ်။ ထိုင်ခုံနဲ့ ရထားတွဲတွေဟာ အဲကွန်းမပါပဲ ၊ ပန်ကာသာ ပါရှိမှာ ဖြစ်ပြီး ၊ အိပ်စင်တွဲတိုင်းကတော့ အဲကွန်းပါရှိမှာ ဖြစ်ပါတယ်။

ရထားလက်မှတ်ဝယ်ယူခြင်း

ရထားလက်မှတ်ကို အွန်လိုင်းကနေ ကြိုတင်ဝယ်ယူနိုင်သလို ၊ နီးစပ်ရာ ရထားဘူတာရုံတွေမှာလည်း သွားရောက် ဝယ်ယူနိုင်ပါတယ် ။ ရထားလက်မှတ်တွေကို ၆ လကြိုတင်ရောင်းချပါတယ် ။ ဘန်ကောက် ချင်းမိုင် အိပ်စင်ရထားတွေဟာ ခရီးသွားတွေကြား ရေပန်းစားတာမို့ ခရီးသွားရာသီနဲ့ ပွဲတော်ရက်တွေအတွက်ဆိုရင် ၂ လ ၃ လ ခန့်ကြိုတင် ဝယ်ယူမှသာ ရထားလက်မှတ် ရနိုင်မှာ ဖြစ်ပါတယ်။ အခြားကာလတွေမှာတော့ အိပ်စင်အတွက်ကို ၁ လ ခန့် ကြိုတင်ဝယ်ယူရင် အဆင်ပြေပါတယ်။

ရထားလက်မှတ်စျေးနှုန်းများ

ရထားလက်မှတ် စျေးနှုန်းတွေကတော့ ရထားတစ်စီးချင်းအလိုက် ရထားထိုင်ခုံအမျိုးအစားပေါ်မူတည်ပြီး စျေးနှုန်းတွေ ကွာခြားပါတယ်။

တတိယတန်း ထိုင်ခုံ – ၂၃၀ ဘတ်မှ စ၍

ဒုတိယတန်း ထိုင်ခုံ – ၃၈၈ ဘတ် မှစ၍

ဒုတိယတန်းထိုင်ခုံ (အဲကွန်း) – ၅၅၈ ဘတ်

ဒုတိယတန်းအိပ်စင် – ၇၄၈ ဘတ်မှ စ၍

ပထမတန်းအိပ်စင် – ၁၂၄၆ ဘတ်မှ စ၍

ဖော်ပြပါစျေးနှုန်းများသည် Class အလိုက် အနိမ့်ဆုံး စျေးနှုန်းများ ဖြစ်ပါသည် ၊ ရထားတစ်စီးချင်းနှင့် ရရှိသည့် အိပ်စင်တွဲများအတွက် အပေါ်ထပ်အိပ်စင် နှင့် အောက်ထပ်အိပ်စင် စျေးနှုန်းများ ကွာခြားပါသည် ။

ရထားလက်မှတ်တွေ အွန်လိုင်းကကြိုဝယ်ချင်လို့ မဝယ်တတ်ရင်ပဲ ဖြစ်ဖြစ် ၊ ထိုင်းဘဏ်မရှိလို့ လက်မှတ်ဖိုး ငွေချေမရဘူးဆိုရင်ပဲ ဖြစ်ဖြစ် ပေ့ချ်ကို ဆက်သွယ်မေးမြန်းလာနိုင်ပါတယ်ဗျ