ချင်းမိုင်မြို့ကနေ အခြားမြို့တွေကို ခရီးဆက်ဖို့ ချင်းမိုင်မြို့မှ ကားဝန်းများ

ချင်းမိုင်အနီးတဝိုက် လည်ပတ်ပြီးလို့ အခြားနေရာတွေ အခြားမြို့တွေကို ဆက်လည်ချင်သေးတယ် Public Transportation နဲ့လည်းသွားချင်တယ် ဘယ်ကနေ ကားသွားစီးရမလဲ ဆိုသူတွေ အတွက်ပါ ။
ချင်းမိုင်မှာ Bus terminal 1 , 2 နဲ့ 3 ဆိုပြီး သုံးခုရှိပါတယ် ၊ Terminal 1 ကတော့ ချင်းမိုင်ခရိုင်အတွင်းက အခြားသော မြို့ငယ်လေးတွေကို ပြေးဆွဲတဲ့ minivan နဲ့ songthaews တွေပဲ ရှိပါတယ်။
Bus Terminal 2 ကတော့ ချင်းမိုင်ကနေ အခြားသော ခရိုင်တွေကို ဆက်သွားဖို့ ကားတွေရှိပါတယ် ၊ အဓိကအားဖြင့်ကတော့ ဒီကားဝန်းဟာ minivan ကားဝန်းဖြစ်ပြီး Pai ၊ Mae Hong Song ၊ Mae Sai အစရှိတဲ့ မြို့ ခရိုင်တွေကိုသွားတဲ့ minivan တွေကို ဒီကားဝန်းကနေ လာစီးနိုင်ပါတယ်။
ဒါ့အပြင် ဒီကားဝန်းမှာ Bangkok , Phitsanulok မြို့တို့ကို သွားတဲ့ Express အဝေးပြေးကားတစ်ချို့လည်း ရှိတာကိုလည်း တွေ့ရပါတယ်။
Bus Terminal 3 ကတော့ Express အဝေးပြေးကားကြီးတွေရဲ့ ကားဝန်းပဲ ဖြစ်ပါတယ် ၊ ဒီကားဝန်းမှာကတော့ ဘန်ကောက်အပါအဝင် ချင်းမိုင်ကနေ သွားလို့ရတဲ့ အခြားမြို့တွေကို သွားတဲ့ Express ကားတွေ ရှိပါတယ် ၊ ချင်းမိုင်ကနေတစ်ဆင့် ဘန်ကောက် ၊ ချင်းရိုင်တွေကို သွားချင်ရင် အခု Bus Terminal 3 ကနေ လာစီးရမှာ ဖြစ်ပါတယ်။

ကားလက်မှတ်များ ဝယ်ယူရန်

Powered by 12Go system
Bus Terminal 3 နဲ့ Bus Terminal 2 ကားဝန်း ၂ ခုဟာ အလယ်မှာ ကားလမ်းသာခြားပြီး မျက်နှာခြင်းဆိုင်အနေအထားမှာတင် ရှိတာမို့ ဘန်ကောက်ကနေ မယ်ဟောင်ဆောင်မြို့ Pai မြို့တို့ကို ဆက်သွားချင်တာဆိုရင် အလွယ်တကူပဲ ကားဝန်းကူးပြီးတော့ ဆက်စီးလို့ ရပါတယ်ဗျ။
Bus Terminal 2 နဲ့ 3 ကနေတစ်ဆင့် ဆက်သွားနိုင်တဲ့ မြို့ အချို့ကတော့ ТАК , SUKHOTHAI ,PITSANULOK ,LOMSAK ,
SHUMPHAE ,KHONKAEN , CHIANG RAI , MAE SAI အစရှိတဲ့ မြို့တွေပဲ ဖြစ်ပါတယ်
Bus Terminal 2 ရဲ့ ဘေးကပ်ရပ်မှာ Nakhon Chai Air ကားလိုင်းရဲ့ သီးသန့် ကားဝန်းလည်း ရှိပါသေးတယ် ။ Nakoon Chai Air ကားလိုင်းဟာ ထိုင်းနိုင်ငံမှာ အကောင်းဆုံး ကားလိုင်းတွေထဲက တစ်ခုဖြစ်ပြီးတော့ ဘန်ကောက်-ချင်းမိုင်ခရီးစဉ်ကို အဓိက ပြေးဆွဲပါတယ်။
ကားလက်မှတ်တွေကိုတော့ ကားဝန်းမှာ လူကိုယ်တိုင်သွားရောက် ဝယ်ယူနိုင်သလို ၊ အွန်လိုင်းကနေလည်း ကြိုတင်ဝယ်ယူနိုင်ပါတယ်။ ခရီးသွားရာသီ ကာလတွေဆိုရင် ကားလက်မှတ်တွေက ဝယ်ရခက်တာမို့ ကြိုတင်ဝယ်ယူထားသင့်ပါတယ်။
ထိုင်းနိုင်ငံအနှံ ကားလက်မှတ်တွေကို ကြိုတင်ဝယ်ယူချင်ရင် ကျွန်တော့် ပေ့ချ်ကိုလည်း ဆက်သွယ်လာလို့ရပါတယ်ဗျ။

ထိုင်းနိုင်ငံအတွင်း ဟိုတယ်များ ဌားရမ်းလိုပါက
https://www.trip.com/t/oRNF4ha1mW1

ထိုင်းနိုင်ငံအတွင်း လေယာဉ်လက်မှတ်များ ဝယ်ယူလိုပါက
https://www.trip.com/t/IBRRpKk1mW1

ကစားကွင်းလက်မှတ်များ ဝယ်ယူလိုပါက
https://www.trip.com/t/eUZPRZm1mW1

သိလိုတာများ မေးမြန်းရန် FB Page ကို ဆက်သွယ်လိုပါက
https://www.facebook.com/Thudosomething/

လက်မှတ်များဝယ်ယူခြင်း ၊ Hotel/Flight Booking များပြုလုပ်ရာတွင် ငွေချေရန် အခက်အခဲရှိပါက ကျွန်တော့် Facebook Page ကို ဆက်သွယ်မေးမြန်းနိုင်ပါသည်။

Discover more from Thu Do Something

Subscribe to get the latest posts sent to your email.

By Thailand, TravelLeave a Comment on ချင်းမိုင်မြို့ကနေ အခြားမြို့တွေကို ခရီးဆက်ဖို့ ချင်းမိုင်မြို့မှ ကားဝန်းများ

Leave a Reply

Your email address will not be published. Required fields are marked *