ကျနော်သိသလောက် ထိုင်းရွှေ အကြောင်း
အားလုံးပဲ မင်္ဂလာပါခင်ဗျ ၊ ဒီနေ့ကတော့ ထိုင်းမှာရွှေဝယ်ယူတာနဲ့ ပတ်သက်ပြီး ကျွန်တော် သိထားသလောက် လေ့လာထားမိသလောက်ကို ဖော်ပြပေးလိုက်ပါတယ်ခင်ဗျ ။
ကျွန်တော်တို့ မြန်မာနိုင်ငံက ရွှေတွေဟာ ရွှေရည်ချိန် (ရွှေသန့်စင်မှု) ကို (၁၅) ပဲရည် ၊ (၁၆) ပဲ ရည် စသဖြင့် သတ်မှတ်ကြပြီး ထိုင်းနိုင်ငံမှာတော့ အရောင်းအဝယ်လုပ်ကြတဲ့ ရွှေရည်ချိန် (ရွှေသန့်စင်မှု) ကို 99.6% ,96.5% စသဖြင့် သတ်မှတ်ကြပါတယ် ။ ဈေးကွက်ထဲမှာ အဓိက အရောင်းအဝယ် လုပ်ကြတာကတော့ 96.5% စံနှုန်းရှိတဲ့ ရွှေတွေဖြစ်ပါတယ်။
ကျွန်တော်တို့ မြန်မာနိုင်ငံက ရွှေအလေးချိန်ကို (၁) ကျပ်သား ၊ (၂ ) ကျပ်သား စသဖြင့် ချိန်တွယ်သတ်မှတ် ခေါ်ဝေါ်ကြသလို ထိုင်းရွှေဟာလည်း 1 Baht , 2 Baht စသဖြင့် ချိန်တွယ် သတ်မှတ်ခေါ်ဝေါ်ကြပါတယ် ။ မြန်မာရွှေ (၁) ကျပ်သားဟာ 16.6 gram နဲ့ ညီမျှပြီး ထိုင်းရွှေ 1 Baht ဟာ 15.244 gram နဲ့ ညီမျှပါတယ်။
ထိုင်းနိုင်ငံက ရွှေဆိုင်တွေအရှေ့မှာ ဆိုင်းဘုတ်တွေနဲ့ ဖော်ပြထားတဲ့ ရွှေဈေးနှုန်းအများစုဟာ ရွှေရည်ချိန် 96.5 % ရဲ့ 1 Baht အလေးချိန်အတွက် ကျသင့်မယ့် ရောင်းဈေး ဝယ်ဈေးကို ဖော်ပြထားတာ ဖြစ်ပါတယ်။
ရွှေဝယ်ယူရာမှာ ရွှေတုံး (Gold bar) တင်မက ရွှေထည် ( လက်စွပ် ၊ လက်ကောက် ၊ ဆွဲကြိုး စသဖြင့်) (၂ ) မျိုး လုံးကို ဝယ်ယူနိုင်ပါတယ်။
ကားလက်မှတ်များ ဝယ်ယူရန်
Powered by 12Go system
လျော့တွက်ရွှေတုံးတွေအတွက် 1 Baht မှာ ပါဝင်တဲ့ ရွှေအလေးချိန်ဟာ 15.244 gram ဖြစ်ပေမယ့် ရွှေထည်တွေမှာတော့ ရွှေအလေးချိန်ဟာ 15.244 gram အတိအကျ ဖြစ်မနေနိုင်ပါဘူး ၊ ပစ္စည်းပေါ်မူတည်ပြီး ရွှေပါဝင်တဲ့ gram ကွဲပြားနိုင်ပါတယ် ။ မြန်မာ အခေါ်အဝေါ်အားဖြင့် လျော့တွက်လို့ မှတ်ယူနိုင်ပါတယ်။
Premium (လက်ခ)ထိုင်းရွှေတွေ ဝယ်ယူရာမှာ မြန်မာနိုင်ငံမှာလိုပဲ ရွှေဈေးအပြင် လက်ခဆိုတာရှိပါတယ် ။ ထိုင်းလိုဘယ်လိုခေါ်လဲ မသိပေမယ့် အင်္ဂလိပ်လိုတော့ Premium ဆိုပြီး ရွှေဆိုင်တွေက တွက်ယူတယ်လို့ သိရပါတယ် ။ အချို့သော ရွှေတုံးတွေဝယ်ယူရာမှာ Premium ဖိုး လုံးဝပေးစရာမလိုပေမယ့် သပ်သပ်ရပ်ရပ် ဖန်တီးထားတဲ့ ရွှေတုံးတွေအတွက်ကတော့ Premium ဖိုး ဘတ် ၅၀ ကနေ ၃၀၀ လောက်ထိ ဝယ်ယူတဲ့ ရွှေဆိုင်ပေါ်မူတည်ပြီး ပေးရတတ်ပါတယ်။ ရွှေထည်တွေဖြစ်တဲ့ ဆွဲကြိုး လက်ကောက် စသဖြင့် ပစ္စည်းတွေကတော့ ဒီဇိုင်းပေါ်မူတည်ပြီး Premium ဖိုး ပေးရပါတယ်။
ရွေဝယ်လို့ရမယ့်နေရာတွေက ဘယ်လိုနေရာတွေလဲ ?ဘန်ကောက်ရဲ့ နေရာအတော်များများမှာ ရွှေဆိုင်တွေရှိကြပြီး ၊ ထိုင်းရွှေဝယ်ယူမှုအတွက် အများစု ညွှန်းကြတဲ့ ရွှေဆိုင်တွေကတော့ ဘန်ကောက်မြို့ တရုတ်တန်း ဧရိယာက ရွှေဆိုင်တွေကို ညွှန်းတတ်ကြပါတယ် ။ MTS Gold, Hua Seng Heng, YLG Bullion, နဲ့ Ausiris Gold အစရှိတဲ့ ရွှေဆိုင်တွေကတော့ ထိုင်းနိုင်ငံမှာ နာမည်ရှိပြီးသား ဆိုင်ခွဲတွေလည်း အများအပြားရှိတဲ့ ရွှေဆိုင်တွေ ဖြစ်တယ်လို့သိရပါတယ်။
ရွှေပြန်ရောင်းမယ်ဆိုရင်ရွှေသွားပြန်ရောင်းတဲ့အခါမှာ ကိုယ်သွားရောင်းတဲ့ ရက် ၊ ရောင်းတဲ့အချိန်မှာ ပေါက်နေတဲ့ ဈေးအတိုင်း ပြန်ရပါတယ် ။ ရွှေတုံး (gold bar) တွေက ဈေးကွက်ပေါက်ဈေးအတိုင်း ပြန်ရပေမယ့် လုပ်ထည်တွေဖြစ်တဲ့ လက်စွပ် ၊ လက်ကောက်တို့လို ရွှေထည်တွေကတော့ Premium ဖိုး ရှုံးမှာ ဖြစ်ပါတယ်။ ရွှေပြန်ရောင်းတဲ့အခါမှာ ရောင်းသူရဲ့ ID ဖြစ်တဲ့ Passport လိုအပ်ပါတယ်။
ရွှေဈေးကို ဘယ်ကကြည့်ရမှာလဲရွှေဈေးတွေကို ဆိုင်တစ်ခုချင်းအလိုက် ဆိုင်အရှေ.မှာ ဆိုင်းဘုတ်တွေနဲ့ ရေးထားပေးပါတယ် ၊ ရွှေဆိုင်ကြီးတွေဆိုရင် LED Board ပေါ်မှာ အချိန်နဲ့အမျှ ဈေးပြောင်းနေတာကို ပြထားပေးပြီး ၊ ရောင်းတဲ့အခါ ဝယ်တဲ့အခါ Board မှာ ပြထားတဲ့ ဈေးအတိုင်း ဝယ်/ရောင်း လုပ်ရုံပါပဲ ။
ဒါ့အပြင် ရွှေကုန်သည်ကြီးများအသင်းရဲ့ Website နဲ့ အချို့သော ရွှေဆိုင်ကြီးတွေရဲ့ Official Website တွေမှာလည်း ရွှေဈေးတွေကို အချိန်နဲ့ တပြေးညီ ကြည့်နိုင်ပါတယ်။ ကြည့်လို့ရတဲ့ လင့်ခ်အချို.ကို ဖော်ပြပေးလိုက်ပါတယ်
Hua Seng Heng ရွှေဆိုင်ကြီး >> https://www.huasengheng.com/
ထိုင်းရွှေကုန်သည်အသင်း >> https://www.goldtraders.or.th/
ထိုင်းရွှေအကြောင်း လေ့လာမှတ်ထားမိသလောက် မျှဝေပေးခြင်းဖြစ်ပါတယ် ။ ကျနော်က ရွှေနဲ့ ပတ်သက်ပြီး ကျွမ်းကျင်သူမဟုတ်တာမို့ အခေါ်အဝေါ် အသုံးအနှုန်းတွေ လွဲနေတာရှိရင် Comment မှာ မျှဝေပေးခဲ့ ပြင်ပေးခဲ့လို့ ရပါတယ်ဗျ ထိုင်းနိုင်ငံအတွင်း ဟိုတယ်များ ဌားရမ်းလိုပါက
https://www.trip.com/t/oRNF4ha1mW1
ထိုင်းနိုင်ငံအတွင်း လေယာဉ်လက်မှတ်များ ဝယ်ယူလိုပါက
https://www.trip.com/t/IBRRpKk1mW1
ကစားကွင်းလက်မှတ်များ ဝယ်ယူလိုပါက
https://www.trip.com/t/eUZPRZm1mW1
သိလိုတာများ မေးမြန်းရန် FB Page ကို ဆက်သွယ်လိုပါက
https://www.facebook.com/Thudosomething/
လက်မှတ်များဝယ်ယူခြင်း ၊ Hotel/Flight Booking များပြုလုပ်ရာတွင် ငွေချေရန် အခက်အခဲရှိပါက ကျွန်တော့် Facebook Page ကို ဆက်သွယ်မေးမြန်းနိုင်ပါသည်။
Discover more from Thu Do Something
Subscribe to get the latest posts sent to your email.